სკოლა მხოლოდ სასწავლო დაწესებულება არ არის, ეს არის გარემო, სადაც
ბავშვები დღეების უდიდეს ნაწილს ატარებენ. სწორედ ამიტომ, სკოლის
სივრცეში სისუფთავის საკითხი არ შეიძლება განიხილებოდეს მხოლოდ
ესთეტიკის ან ყოველდღიური კომფორტის ჭრილში. სკოლაში სისუფთავე არის
უსაფრთხოებისა და ჯანმრთელობის ძირითადი გარანტი, რაზეც
პასუხისმგებლობა უმთავრესად დაწესებულებას აკისრია.

ძალიან ხშირად, სკოლაში არსებული პრობლემები უკავშირდება მხოლოდ
ზედაპირულ დალაგებას. დალაგება, როგორც წესი, შემოიფარგლება იატაკების
წმენდითა და სანიტარული კვანძების მოვლით. მაგრამ რეალური საფრთხე,
რომელიც შესაძლოა ვერც მოსწავლემ შეამჩნიოს და ვერც პედაგოგმა, იქ ბუდობს,
სადაც თვალი ვერ წვდება – კედლების ღრიჭოებში, სველი წერტილების
სიღრმეებში, საკვების საწყობებსა და ძველ ავეჯშიც კი.

სკოლის გარემოში ყველაზე გავრცელებული მავნებლები არიან:

▪️ ტარაკნები, რომლებიც აქტიურობენ ღამით, გადაადგილდებიან საკვებთან
ახლოს და ხელს უწყობენ ბაქტერიების გავრცელებას;
▪️ თაგვები, ისინი ხშირად იჭრებიან საკვებ ზონებში და ტოვებენ ფეკალიების
კვალს;
▪️ ბუზები, რომლებიც საკვებზე დაჯდომით მიკრობებს ავრცელებენ და ხშირად
სწორედ სასადილოებთან შეიმჩნევა მათი კონცენტრაცია;
▪️ ჭიანჭველები თითქოს უწყინარი მწერია, მაგრამ ისინი საკვების სწრაფად
დაბინძურების წყაროს წარმოადგენენ.